Forfatter: Sigurd Tjelmeland

Det var bare 4 bord på rundane 4-6 i vårens andre hurtigsjakkturnering. Vi var glade for å sjå Vasco tilbake igjen. Resultatliste.

På tordagens runde i langsjakken var det 9 frammøtte, og Sigurd måtte tusle seg heim med WO. Det var bare avgjorte parti – kvar er remiserarane vortne av? Ruben tok sin sjette strake og ser ut til å gå uhindra i mål som vinnar av turneringa. Elles vann Toralv, Sverre og Odd Arne sine parti. Resultatliste.

Vi var 4 bord og ingen WO på den første spelekvelden etter påske. God stemning og tidvis sterkt spel, men Løperen er enno ikkje heilt fri for ein og annan bukk. Resultatliste.

Ruben inviterer til hurtigsjakkturnering på Lichess neste søndag kl 18. Meld dykk inn i Lichess-klubben Løperen Sjakklubb (lagleiarar: Ruben og Svein Erik) og bli med. Lenke til turneringa.

Vi far 4 bord i runde 5, og ingen WO. Ruben vann over Morten og med 6 strake ser han ut til å styre mot siger i turneringa. Men kven veit, kanskje vi andre skjerper oss og byd han kamp framover? Sverre (S) vann over Odd Arne og tok sin fyrste siger i Løperen etter fokusert og nøyaktig spel. Jan Øystein måtte til slutt ned mot Sigurd etter ein lang batalje som kunne ha gått begge vegar. Trass i stor vinnarvilje frå begge vart det remis mellom Svein Erik og Toralv etter eit langt parti. Resultatliste.

I går var siste spelekveld for hurtigsjakkturneringa før påske. I Josteins fråver nytta Toralv høvet til å kome opp på delt førsteplass, med god margin til resten av feltet. Vi var 4 bord, og stemninga var som vanleg god. Komande torsdag vert det langsjakk att, og den turneringa går ubroten fram til sommaren. Etter påske vert det ny hurtigsjakkturnering. Resultatliste.

Vi ser ut til ¨å ha eit relativt stabilt oppmøte på 5 bord, sjølv om det er mykje skifte frå gong til gong. Ruben er aleine i tet, men det er enno langt fram. Resultatliste:

Vi var 11 frammøtte. Odd Arne måtte dessverre avstå med WO, det tok han med fatning. Etter at Morten gjekk ned mot Ruben og Wim vann sitt parti, er no Wim og Ruben i tet med 3 poeng. Men det er langt fram, og sjansar for andre. Vi ynskjer våre nye Sverre og Jan Øystein hjarteleg velkomne i klubben. Resultatliste.

I dag er det langsjakk att, 1 time og 30 minutt pluss 30 sekund per trekk. Dei som er med på langsjakken bør vere medlemmer i klubben, sidan langsjakken er FIDE-rata. Velkomne alle!

Vi var 5 bord pluss ein WO til runde 10-12 i hurtigsjakkturneringa. Toralv og Wim imponerte med tre strake og arbeider seg stødig oppover på resultatlista. Men Jostein held framleis stand i toppen. Det var fleire nye ungdommar med stødig brikkeføring og vi ynskjer August, Kenneth og Thomas hjarteleg velkomne i klubben!

Sannsynlegvis må neste hurtigsjakkveld den 29. februar avlysast på grunn av arrangement i lokala. Vi kjem tilbake til det seinare.

I morgon torsdag held vi fram med hurtigsjaakkturneringa. Det vert tre rundar med 15 minutt pluss 10 sekund per trekk. Turneringa er ikkje FIDE-rata, så den er eit godt alternativ til dei som styggjest lang tenketid og det alvoret som ligg over internasjonal rating. Nye og gamle er velkomne!

Morten er komen best i gang i langsjakken og leiar no turneringa med eit halvt poengs forsprang til Ruben, Sverre, Wim og John. I motsetnad til dei fleste andre i klubben er Morten totalt upredikerbar i opninga, denne gongen måtte Svein Erik ned mot ei Reti-opning. John rekna lengst og sikrast og slo gjennom på kongefløyen før Sigurd kunne realisere sine voner til ein fribonde på dronningfløyen. I den skarpe Botvinnik-Panov varianten i Caro-Kann måtte Wim til slutt ned mot Ruben i eit langt og solid parti. Vi var bare 3 bord, men ingen WO og god stemning. Resultatliste.

Vi var 10 frammøtte, og fylte godt opp i rommet, no som konfirmantundervisninga har byrja i HEF sine lokal. Jostein er i udelt leiing etter tre strake sigrar, eit hakvt poeng før Odd Arne. Resultatliste.